لما تيجي تشتري شقه
 |
| محمد علي عبدالحليم - المحامي بالنقض [ مستشار عقاري ] |
- حاول تروح الشقة مرتين مرة الصبح ومرة بالليل.
- طول في المعاينة على قد ماتقدر وسيب الباب مفتوح.
(لو الشقة عليها مشاكل..العصفورة هتبلغ انها اتفتحت )
- مافيش بائع هيعرفك بعد ماياخد كل فلوسه.
- الشقة اللى مافيش فيها عداد كهرباء .. ماتاخدهاش.
- التوكيل بالبيع لوحده مش كفاية..لازم عقد بيع.
- مش لازم خالص توقيع شهود على العقد.
- لو هتخلص ثمن الشقه لازم تستلمها فى نفس يوم دفع الفلوس.
لازم تكون عارف ومتأكد انك انت واسرتك هتعرفوا تعيشوا في المكان ده ومع نفس الجيران دول وان ولادك كل يوم هيمشوا من الشارع ده او قدامهم او تحتهم المحل ده لازم تعرف هتعيش فين عشان متشتريش وتندم
هاااااااااااااااام جداااااااااا
☆ ماتشتريش من وكيل عن صاحب الشقة بتوكيل عام الا اذا كنت عارفهم كويس جدا.
☆ صاحب الشقة يعملك توكيل خاص بالبيع حتى لو مسافر.
☆ لو البائع فوق ٦٥ سنه ولاده يوقعوا شهود على العقد.
☆ لو هتشترى من ورثة لازم كل الورثة يوقعوا على العقد
لو حد من الورثه قاصر لازم الوصى عليه هو اللى يوقع عنه ولازم يطلع قرار بموافقة النيابة الحسبية على البيع .
☆ لازم التوقيع على كل صفحات العقد.
☆ لازم التوقيع يكون امامك مافيش توقيع مسبق.
☆ اوعي تسيب اي فراغات فى نسختين العقد ويفضل العقد يكو من ثلاث نسخ.
☆ ممنوع اي تعديل بخط الأيد فى العقد.
☆ الأفضل ان العقد كله يكون مكتوب كمبيوتر.
في حالة انك هتشتري بالتقسيط
اوعي تمضى على إيصالات امانه، أكتب الاقساط فى العقد [ القيمة وميعاد القسط ].
حاول تسأل البائع عن :
زوجة المالك ما هو من حقك جداً .. احسن يكون مطلقها ومعاها قرار تمكين
من حقك :
انك تدخل لجار واتنين فى العماره، وتسألهم عن الشقة المهم تديهم الأمان وفهمهم ان الكلام بينكم سر .. علشان يقولوا الصراحة
يبقي مهم وانت بتشتري شقة لازم تتأكد من سند ملكية البائع وتسلسل الملكية حتى آخر مشتري وكمان عقد للأرض سواء عرفى أو مسجل وتتأكد من صحته
تكتب عقد يضمن الثمن وبنود تضمن حقك وشرط جزائي وتوكيل في الشهر العقاري بالبيع للنفس أو للغير والتنازل للنفس أو للغير ولكافة التصرفات الناقلة للملكية امام كافة الجهات والمصالح الحكومية ومصلحة الشهر العقاري والتوقيع علي عقود البيع الابتدائية والنهائية
وفي كافة اجراءات التعامل مع الكهرباء والمياه والتليفون والضرائب العقارية والغاز الطبيعي والتعاقد ورفع وتركيب والتنازل عن عدادات هذه المرافق
ولا يحق لأي من الطرفين إلغاء هذا التوكيل إلا بحضور الطرفين ويسري هذا التوكيل في حالة الوفاه .
ضروووووووووووري جدا
يكون معاك محامى ثقة بلاش تستخسر وتوفر اتعاب المحامى
ما هو أصل وجود المحامى هيأمنك ويمنع عنك بلاوى كتير ممكن تظهر لك مستقبلاً
ودور المحامى مهم علشان يتأكد من صحة مستندات الملكية وتسلسل العقود
ويتأكد ان الشقة مفيش عليها اي مشاكل.
ما هو مش منطقي تكون دافع اتنين او تلاتة مليون او اكثر و تستنصح في انك توفر اتعاب محامي معاك في الشراء .
والله الموفق
مع تحياتي
 |
| محمد علي عبدالحليم - المحامي بالنقض - مستشار عقاري |
المستشار القانوني / محمد علي عبدالحليم
المحامي بالنقض و الدستورية - مستشار عقاري
بالقاهرة - مدينة نصر
01001023890